؟؟ليــش تحــبـــون الكـــــويت؟؟

[miss_geo]

الســلام عليــــكم ورحمـــة الله وبركــــاته



http://www.ansaaar.com/up/uploads/a2be251d22.gifhttp://www.ansaaar.com/up/uploads/c49bc3ec67.gifhttp://www.ansaaar.com/up/uploads/4d8fb40b88.gif



مليـــنا من كثــر التحلطم صح؟؟

زهقنــا من الحش والقرض بهالديــرة صح؟؟

كــل شي صغــير كبّرناه بالمجهـــر

كــل شي صــار ما يعجبــنا .. نطمع بالمــزيد .. وحتــى المزيــد ما يتــرس عيننا!

لو ما لقيت موقف بالجمعية تقلب الدنيا على راس الإدارة

لو الطبيب انشغل وخلاك تنطر شوي تنافخ وتتأفف جنه ماكو مريض غيرك

لو الدكتور عطاك homework أو طلب منك بحث ماكو واحد من فريجكم ما يدري والسبب تحلطمك اللي واصل لآخر الشارع .. كأن طالب منك المهمة المستحيل

تتوقع تكون انت المراجع الوحيد بأي دائرة حكومية .. والموظفين طبعا بخدمتك يشتغلون عندك

تبي أول ما تتخرج تتوظف .. ومعاشك بمبلغ وقدره .. والمكان لازق يم بيتك (واذا بعيد يم البيت اللي يمك) ... الالتزام بالدوام شي مرفوض عندك .. الاجازات تبيها كل يوم وترك ... مكتبك لازم راهي عشان تأثث وتتفشخر .. الكرسي لازم يكون فيه مساج لأنك مسكين تتعب وتكرف طول اليوم وتبلع ... مسؤولك لازم ما يحاسبك على اي تقصير منك ولازم كل واحد ما يتدخل بشؤون الثاني عشان تظلون على طول حبايب ....الخ

كــــــــــل هــــــــذا طبـــعا ... باســم

الـــــديمقــــــــراطيـــــــة ..


لأنـــك (((((((((مــواطن كويتي )))))))))) <<ويحق لك تتشرط




http://www.spokesmanreview.com/blogs/vox/media/r_stop.jpg




هل انت تستحق انك تكون .. مواطن كويتي...؟؟؟

هل عندك إخلاص وولاء لهالـــوطن اللي وفــّر لك كـــل أسبـــاب الراحــة ؟

هل تذكره بالخيــر اذا طريته عند ربعك ، اهلك ، ديوانك ، معارفك واصدقائك؟

هل تخــلص له في عمــلك ؟تفكــره فيه ولو لحظــة من خلال وظيفتك المتواضعه اللي من خلالها قاعد ترد مقدار ضئييييييييييل جدا من عطاياه لك؟؟

هل تشعر بالفخر والاعتزاز كونك مواطن (كويتي) ؟

تتكدر لما تسافر وتسمعهم يذمّون بديرتك؟؟ (والسبب كثرة تحلطمنا)

هل تذكر ماضي الكويت وأمجادها وأجدادها وحكامها و حياتهم اللي أفنوها في تعمير وخدمة هالبلــد ؟


بكـــل صــــراحة



كل شخص يدخل هالموضوع


يجاوب على العنــوان


http://www.gifs.net/Animation11/Geography_and_History/International_Flags/kuwait.gif



؟ليـــــــــــــش تحبــــــــــــون الــــــكــــــويــــــت؟




http://www.ansaaar.com/up/uploads/ee4fa38396.gifhttp://www.ansaaar.com/up/uploads/f982fa2977.gifhttp://www.ansaaar.com/up/uploads/3aa975e26d.gif

[عهد الاشواق]

يــــاســــــــلام عـــــــلــــــــى الـــــــــمـــــــوضـــوع

زقــــــــرت حــــــده يـــــســــحــــق الـــتــــمــــييـــز وشـــويــه علــــي

بـــكــــل بـــســـاطـــه

حب الوطن غزيره اودعها الله تعالى بقلب كل مواطن ,, والكويت طبعا والكل يعرف انها مو مثل اي ديره والله فديتها وفديت كل اهلها :)

وفرت لنا كل الي نبي .. عشما طول عمرنا في كلينا من خيرها وتربينا بين فرجانه " جمع فريج" :))

امبييه مادري بس أحــــبــــــها


ياديره مامثلها ديره

اي هذي المواضيع السنعه الي تفتح النفس :)

[Lady_Geologist]

تسلم الايادي مشرفتنا
فعلا موضوع مميز و رائع :)


شوفي احب ديرتي اكيد
ويمكن اتحلطم عليها
لان مثل ما قلت طبع فيني اذا شفت الغلط لازم اتحلطم
دامي ما اقدر اعدله

لكن ياويل اللي يغلط فيها
صارتلي وايد مواقف بدول عربيه يذمون بالكويت
الصراحه ما اقدر انفجر فيهم

اعتز بكل شي كويتي وافتخر فيه

ليش احبها
ماقدر اقولج
بس صج صج لما اسافر اشتاقلها
مو بس لاني اشتاق حق اهلي وقعدتهم
اشتاق حق شوارعها وبيوتها وريحتها

صج اتحلطم على الحر
بس هم احبها

واعتقد ان حب الوطن عند اي انسان مثل حب الام
ينغرز فيه من الصغر
لانه ربى فيها مثل ما ربى بحضن امه

اتمنى اكون جاوبت سؤالج :))

[Diamonda]

تسلم ايدج على هالموضوع الحلو

صراحة أول ما قريت عنوانه فز قلبي :)

الكويت مو بس ديرتنا .. اهيه حياتنا كلها .. كافي شعورنا بالانتماء لها

كافي الأمان الي تحسسنا فيه .. من كثر ما احبها ما اقدر ابعد عنها وايد

ممكن اني أتردد بأشياء وايد .. وأحتار بقرارات وايد

بس حبي حق الكويت هذا شي مايحتاج التفكير

لو يخيروني بين الدير كلها ما اختار الا اهيه

أفتخر فيها دايما .. حتى لما اسمع الناس تتحلطم منها اقولهم ياحلاتها

أحبها حتى بحرها وغبارها .. يازينها ويازين أهلها

ترى والله احنا عايشين بنعمة وايد مو حاسين فيها

الله يخليها لنا ويحفظها يارب

مشكوره عالموضوع العجيب صراحة :)

[geo^is^Qt]

موضوع رووووووووووووووعة ..
تسلم ايدج مشرفتنا ..
اكيد احب الكويت .. و احب اهلها .. و كل شي فيها ..


لكن على التحلطم .. هذا شي طبيعي .. و اساس التحلطم هذا او على الاقل 90% منه .. عشان تتسنع الديرة و تملي الثغور اللي نعاني منها .. و بالنهاية الحلو ا يكملش على قولتهم ..

صحيح انه عندنا اشيء وايد سلبية بديرتنا .. و سياسات يبيلها تعديل .. و قرارات يبيلها حذف ..
بس بالتحلطم .. مراح نحل شي ..
العمل هو اللي يحل ..

ترى ديرتنا عازتنا و رازتنا .. شوفوا الدول الثانية .. التعليم بفلوس .. الرعاية الصحية بفلوس .. حتى لو شريتوا سيارة او بيت او شي ثاني .. تدفعون فلوس للدولة << الضرايب ..

الحمدلله على كل خير ..
هذي ديرتنا و فيها اللي نبي .. درة الخليج و تسوى الدول كلها فديتها :)


ديرتنا امانة و احنا شبابها اللي راح نحافظ عليها .. همتكم ويانا و ديرتنا تصير احلى ديرة

:)

[عذاري الفيلكاوي]

بارك الله فيج مشرفتنا موضوع رائع



ليش أحب الكويت؟؟؟


جوابه ماله نهاية ، حب هالديرة بكل اختصار يمشي بشراييني

[geology-teacher]

أحب الكويت لأن الكويت أمي


والأم كل شي بحياتنا ، الأم شي كبير ، ما يوازيه شي


الأم الأمن والآمان ، الإحتواء

تحياتي على الموضوع المميز

[أبله دلال]

احب الكويت كلمة شويه فيها

الله يعزها و يحميها و دائما ادعوا لها يكفيها الشر

[miss_geo]

عهد الأشواق

Lady Geologist

Diamonda

geo^is^Qt

عذاري الفيلكاوي

geology teacher

أبله دلال


كنت ناوية أكتب اجابه


بس بعد ما قريت مشاركاتكم .. لقيت ان اجابتي توزعت بحروفكم


يعطيكم العافيه على المرور المعطر المبخر الكويتي الأصيل :)

[SHOOMY]

والله ماعقب كلام اللي سبقوني كلام
كفوا ووفوا بصراحه
وبعدين احنا مانتحلطم الا من حبنا لها ولان نشوف شي مايعجبنا
صج انها ماقصرت علينا ولكن في اشياء تصير مانقدر نسكت عنها

ماقول إلا صح لسان الشاعر اللي قال: "لاشفت ضيم الناس في كل دوله .. سجدت لربي اللي خلقني كويتي "

انت محيط الأرض ياموج البحار .. وطن النهار
:o

[miss_geo]

عدل كلامج .. احنا نتحلطم من باب حرية التعبير عن الراي وننتقد اللي ما يعجبنا خوفا على مصلحة هالبلد

لكن انتقاداتنا للأسف يتم تفسيرها لــ شكوى وكره ويأس و و ...... الخ من قِبل حبايبنا الدول المجاورة

وهذا الهدف من الموضوع باختصار .. نزيل الغمامة ونوضح الرؤية ;)

ماقول إلا صح لسان الشاعر اللي قال: "لاشفت ضيم الناس في كل دوله .. سجدت لربي اللي خلقني كويتي "

صــــح لســــــانج

شاكرة مرورج ودعمج للروح الوطنية يا وطنية ;)