مع السلامة ..

[TaKe It EaSy]

السلام عليكم ورحمة الله

شلونكم اخواني وخواتي

حبيت ابلغكم اني راح انقطع عن المنتدى فترة الله أعلم اذا كانت طويلة ولا قصيرة

يمكن ارد ويمكن ما ارد

الصراحة صار شي أكسدني وايد ويبيلي فترة على ما تستعدل نفسيتي

فياريت تحللوني

وانا اعتذر ان كنت غلطت بحق احد فيكم

يعلم الله انكم كنتوا اعز الناس على قلبي

وصعب اني افارقكم

بس والله محتاج هالفترة اني ابتعد عن المنتدى

والي يآمرني بشي ايميلي موجود بالبروفايل

وان شاء الله كثر ما اقدر ماراح اتأخر عليكم

صج بتفتكون مني هاليومين :))

بس ان شاء الله اذا رديت برد احسن من اول

وان ما رديت فياريت تحللوني



ديريوا بالكم على نفسكم

ودعواتكم لي



مع السلامة

[SHOOMY]

مازا؟؟ .. لمازا؟؟

والله انت بعد اخو وسديق وزميل وتشرفنا بمعرفتك ولك مكانه عندنا
وهم لك بصمه بهالمنتدى والكل يشهد بهالشي

صج راح نفتك منك ونرتاح :)) .. ماكو احد يحط دوبه من دوبنا لكن راح نفقدك ونفقد بدلياتك وتعليقاتك ومواضيعك

يبه أمانه خلك ويانه .. أرجع لنا سالم .. :))

وطبعا قبل لا انسى لازم نوضح شغله .. انت استسلمت .. وقرار اعتزالك من المنتدى بس جذي تغطيه وتمويه عشان محد يتشمت لكن على منو .. انا شومي والاجر على الله .. من الاول يايبه قلنالك وقع وانت اللي عاندت .. واخر شي خسرت
ايوااا ايواااا
طبعا اعزي الرفاعي برحيلك عن المنتدى لانه صار بروحه الحين .. كاااااااااااااااااك :))
( من قال اني ما بلشت شماته وضحك:)) )

عالعموم .. اتشاغا وياك يابه .. الله يفرجها عليك وترد بالسلامه وانت محلل دنيا وآخره .. وبالتوفيق

تحياتي

[Lady_Geologist]

اشدعوه TaKe It EaSy

قولنا منو اللي مضايقك واحنا نراويك فيه :))


اخذ راحتك ولا تحاتي
ناطرينك ان شاء
اخ عزيز وصديق مميز

لا تطول الغيبه

[SHOOMY]

اي والله .. قول وندفنه لك افا عليك بس

صاجه ليدي لاتطول الغيبات .. عشان لا تييب الغنايم :))

[miss_geo]

افا من وين حاشتك هالأكسدة ؟ عسى مو من المنتدى؟؟

:)

اخذ راحتك (بس مو وايد) ولا تصيّف علينا
تراك اخو عزيز وغالي ما نستغني
وان حاشك شي زعّلك منا امسحه بنك نيم شومي (امون مو؟)
افا عليك

[estghfr__alla]

شفيك اخونا TaKe It EaSy متشاءم وايد

تروح وترجع بالسلامه حدك لي 31 / 8 / بعدين دوامات ورمضان

مشكله والله الريال لي صار حساس مو شي مو ؟

والله ماادري ليش حسستني انك بمشكله عويصه يعني ( حسن ) وداش المصحه يتعالج :))

[Geo_Q8]

أخوي والله انك عزيز وغالي وما أدري شنو ظروفك لكن صدقني أتضايق لما أشوف أحد من أخواني متأكسد :)

الظاهر متأثر بالكيمياء على هالمصطلح >> المهم مثل ماقالت استغفر الله حدك 31/8 وقبها ينحسب عليك كل يوم غياب فلوس

ترجع بالسلامة

[عذاري الفيلكاوي]

محلل دنيا وآخرة تيك ات ايزي

والله يسهل عليك ويوفقك

اخ عزيز وراح نفقدك الصراحه

منو يصف مع المره الحين ههههههههههه يبيلنا محامي بالنيابة

لا تحاتي بصمتك موجودة بالمنتدي ومواضيعك منوره الاقسام

بانتظار مواضيعك الجديدة المليئة بالتفاؤل والمرح

من غير شر مع السلامة


http://www.qmraa.net/up/uploads/69ff552e4e.gif

[geo^is^Qt]

أفــــــــــــــا و الله ..
ليش بس الاكسدة ياخوي ؟؟؟؟
ترى والله ماتسوى الدنيا .. و لا تسوى تعتفس نفسيتك .. بس ان شالله مو متضايق منا بالمنتدى ؟؟

الله يفرجها عليك و يردك لاخوانك و اخواتك بالسلامة ..
اخو عزيز و غالي و ما شفنا منك الا كل خير ..

محلل يا اخوي و الله يسهلها عليك ..
بانتظار عودتك مو تطول علينا .. على قولة استغفر الله و جيو كويت .. حدك اخر الشهر و بعدين نحسب عليك فلوس :))
مادري ليش تذكرت مواقف السيارات اللي بالمطار :))

:)

الف تحية ..
:)

[Al-Rfa3i]

ماتشوف شر تيك ات ايزي

هونها وتهون يالخوي

واحنا ناطرين ردك :)

[Petro_Geo]

صراحة خبر مو شي...

راح نفقد أخ و زميل.... الله يسر أمرك ويفرج عنك همك يا رب

وان شاءالله ترد لنا سالم ونفسيتك مرتاحة ....موفق..:)

[daloola_chan]

اشدعوه تيك ات ايزي؟

اشصاير ؟ بالنسبه لنا اكيد ماغلطت بأحد حق فينا

الله ييسر امورك ماراح اقول مع السلامه ومن هالكلام لأن اكيد بترد:) واذا تبي توخر يوم يومين ميخالف نسامحك يوم ثالث لأ:)

[Geologya]

افا منو مزعلك ماعلي اذا في احد مزعلك امسحها بويهيي :))

وماتشوف شر ما ادري الله يعينك على ظروفك بس والله كنت ولازلت اخو عزيز وغالي وراح نفقدك وايد

ولا تطول بالسلامه

[سمراء مملوحه]

تيكت ايزي ................صج راح نفتقدك والله بمواضيعك بتعليقات بالجووووو الحلو الا تسوووي بالمنتدي
اخوي الغالي الله يوفقك وين ماتروح ويصلح حالك انشالله وترجع لنا عن قريب ويارب ما طول الغيبه ونقضي رمضان سوااااا..........................انشالله امين..................بحفظ الله و رعايته نواف

[.. Water Lily ..]

ما عااش من يأكسد نفسيتك

الله يسهل عليك و يوفقك خيوو

بانتظار عودتك :)

[Mr.abooooood]

الله وياك

وإن شاء الله الله يسهل دربك وتكون ردتك بقوه