اتمنى تفيدوني

[geo^is^Qt]

السلام عليكم
و اسعد الله صباحكم / مساكم

ابي اسأل عن التوظيف اخواني
في معهد الابحاث او KOC

انا وايد خاطري بمعهد الابحاث بس بعد ال KOC عاجبني شغلهم
و مااااااااابي اصير مدرسة :(

شنو شروط قبولهم و متى يفتحون باب التوظيف ؟؟
و سمعت من البنات بالكلية ان معهد الابحاث ما يبون تخصص جيولوجيا صج ؟؟
و شنو الاماكن الثانية اللي تقبل تخصص جيولوجيا من القطاع الخاص او الحكومي و تشوفونها مناسبة و زينة ؟؟

اتمنى تفيدونوا اخواني و اخواتي الموظفين
خاصة ان ما عندي خبرة واايد بهالموضوع

[عذاري الفيلكاوي]

أول شيء زهبي بو بشت
الواسطـــــــة
وبعدين قدمي اوراقج، ولا انتي وحظج بفيدج بلي اقدر عليه :
اولا نفط الكويت KOC
هذا موقع لتقديم طلبات التوظيف

http://recruit.kockw.com/

وعشان تقدمين لازم تابعين الاعلانات، في اعلانات خاصة للجيولوجيين المتخرجين او الي عندهم خبرة

بس ينزل الاعلان تسجيلين بالموقع ولازم تكون الاوراق المطلوبة مخزنه بالكمبيوتر ((تسويلها SCAN )) مثلا الشهادت والاوراق الرسمية وصورة شخصية

http://recruit.kockw.com/Instructions/InstructionFiles/File1.gif

http://recruit.kockw.com/Instructions/InstructionFiles/File2.gif

http://recruit.kockw.com/Instructions/InstructionFiles/File3.gif

http://recruit.kockw.com/Instructions/InstructionFiles/File4.gif

http://recruit.kockw.com/Instructions/InstructionFiles/File5.gif

http://recruit.kockw.com/Instructions/InstructionFiles/File6.gif

الشغل في هذه الشركة متعب نوعا ما بس رواتب قوية ومميزات عالية، والاختبارات طبعا برعاية مؤسسة البترول الكويتية KPC
http://www.smileyworld.com/greetings/images/smallimages/sf-c004.jpg

اما معهد الابحاث هذا موقع تقديم الطلبات

http://www.kisr.edu.kw/EmploymentForm.aspx

وهم لازم تابعين الاعلانات

http://www.kisr.edu.kw/Employment.asp

ياخذون جيولوجيا بس واسطات ، طبيعة شغلهم مادري عنها ما عندي فكرة

موفقة قلب

[DISCOVERY]

ماشالله


الاخت عذاري كفت ووفت


بالنسبة للكي او سي


راح ينزل الاعلآن آخر الشهر انشاء الله



وطريقة القبول اعتقد شرحها الاخ االمشرف العام في موضوع مثبت



ربي يكتب لك الخير



تحياتي

[Geo_Q8]

أولا شكرا للأخت عذاري شرحها وافي ولكن عندي ملاحظه زمن الواسطه ان شاء الله انه انتهى وابتدى زمن الكفاءة ولا يعني ذلك عدم وجودها ولكن الاختبارات سترجح كفة الأفضل

أختي الكريمة انا كنت مدرس والكل قبل ما يتوظف بالقطاع النفطي كان مدرس لكن أنا أقترح عليج الأتي

معهد الأبحاث الوظيفة مناك حلوه لكن اذا كنتي بتروحينبعثة معاهم وبهالشي تضمنين كرسي الدكتوراه .


شركة نفط الكويت ... التدريب فيها من وجهة نظري والأحتكاك مع الخبرات أفضل من مجرد وجودج بمعهد الأبحاث ومن ناحية أخرى مادية أكون صادق أفضل

وجهة نظري ... أنا أشوف انج تستخيرين بالأول وأيها تقررين سيكون أفضل بلا شك من التدريس

رابط شرحت فيه طريقة الأختبارات في شركة نفط الكويت كما ذكر أخونا ديسكفري اتمنى ان يفيد:

http://www.q8geologist.com/vb/showthread.php?t=5426

تمنياتي بالتوفيق للجميع

[geo^is^Qt]

يسلمو اخواني و لكم كل الشكر

الله يعطيج العافية عذورة
ماتقصرين حبيبتي و الله كفيتي و وفيتي
:))

DISCOVERY
ما تقصر اخوي و اشكرك على الرد و اترقب اخر الشهر على احر من الجمر
يسلموووو مرة ثانية
:)

Geo_Q8
اكيد ان شالله ما احتاج لواسطة و ادخل بكفاءتي ان شالله :)

انا مسجلة الحين للماستر و مادري اذا اكمل دكتوراة و الا لا تدري الاهل مو زود
يشجعون ماعندهم الا وراج ريل و عيال :( و النفط مو زين دوامهم و تعب و من هالكلام :(

المهم
انا المكانين عاجبيني و اتمنى انقبل في احدهم و الله كريم
يسلمو اخوي على التوضيح و الله يبعد عني وزارة التربية
:))

تحية ملايييييييييييييين
:))

[عذاري الفيلكاوي]

العفو بالتوفيق يارب