فزعه الفزعه يالجيولوجيين:)

[daloola_chan]

الفزعه الفزعه يالجيولوجييين الصراحه انا توني متخرجه ( عصير fresh) فأبي فزعتكم يالجيولوجيين (عصير علب)

ابي رايكم وين اقدم واحسن مكان الصراحه ودي koc او شركات خاصه بس ابي رايكم صج يكرفون ابي رايكم وين اقدم وشنو الشركات ال ok ومواقعهم 1~c

[miss_geo]

ما اعرف مواقع لكن ممكن تقدمين على معهد الابحاث او koc او knpc او شلمبر جير او بيكر
واذا ودج بشي تقليدي : التربيه

بس ان شاء الله باجي الاعضاء يفيدونج اكثر مني :)

[DISCOVERY]

الاخت دلولوة


جميع مواقع التقديم موجودة في قسم الاعلانات


تمنياتنا لك بالتوفيق

تحياتي

[Geo_Q8]

ماطلبتي شي أختي الفاضله

أولا على البركة التخرج وانشالله منها للأعلى انشالله

ثانيا بالنسبة للوظيفة ...

شركة نفط الكويت .. دوام زين من 7 الى 3 وأكتساب خبرة كبيرة

القطاع الخاص .. دوام تعب نوعا ما والتزام أكثر وخبرة أكثر

التربية .. روتين ممل ومستقبل غامض

أنا أفضل انج تقدمين على شركة نفط الكويت

بالنسبة للمواقع مثل ماذكر ديسكرفي كل شي موجود بالمنتدى

تحياتي

[عهد الاشواق]

هههههههه ابصراحه سوري ماقدر افيدج بس دشيت اقرا شالسالف ومت من الضحك عالبدليات
لووووووووووول

[Petro_Geo]

اما انا فصبري علي شوي لما ايمع لج المواقع و ادل الاماكن بالاول و عقب اقول لج :))

[سر الود]

مبروك التخرج
اسالج الوالد وارد لج خبر :)

[جيولوجى طارق بهجت]

الأول مبروووووووووووووووك التخرج
ثانيا طالما العمل فى مجال انت تحبينه
فستشعرين اكيد بالسعادة
اما بالنسبة الى انك بنت
فانا افضل
الدوام الثابت من 7الى 3
مثل شركة نفط الكويت
لأنه سيكون لديكى مسئوليات اخرى

[Al-Rfa3i]

مبروك التخرج
اخوي جيوكيو8 كفى ووفى وانا مع الي قاله.

[سر الود]

بعد استشارات من الوالد قال koc او معهد الابحاث احسن مكانين :)

[daloola_chan]

شكرا على الردود وبالنسبه لسر الود مشكوره بس معهد الابحاث يبون 2.7
ومعدلي تعبان شوي فيه كحه1~o فما يقبلوني1~i

شكرا على الردود