قولولي شسوي ؟!! أبي رايكم ..

[King-Q8]

السلام عليكم و رحمة الله و بركاته ...

شلونكم .. شخباركم ..

الله يعافيكم حطوا كل آراءكم ...

من غير مقدمات .. قصتي ان معاي واحد بالمحاضرة غاثني غاثني غاثني ..
من كثر ما انه غاثني ودي ؟؟؟؟؟؟. 1~p

كل ما يشوفني يقعد يتسأل ؟؟
أسئلة الطلبة الحسوديين .. عارفينها !!
جم معدلك ؟؟ جم وحدة مجتاز .. شنو المواد اللي خلصتها .. جم يبت بكالكولس .. جم عطاك د.ابراهيم ؟؟ جم ... متى ... شكثر ؟؟؟
غاثني مغثة مو طبيعية ..
و فوق هذا طلباته ما تخلص .. و مصلحجي ..

المشكلة كان معاي قبل و ما صدقت أفتك منه
طلع لي هالكورس .. و فوق هذا مسجل معاي مادة الكورس الياي !!
و الصراحة أستحي أزفه ولا أجعمه مع اني ما أعطيه ويه و ايي يقعد يمي !!شسوي معاه باط جبدي و أستحي أزفه !!!!!!!!
كل مرة أقول بزفه و يكسر خاطري ........

شسوي معاه .. عاد أكره شي عندي الحسودي ..
والله يبيله بطة عين 1~b
بس مشكلتي ماعرف أزف الناس و أغلط عليهم ..

شســـــــــــــــــــــــــــــــــــــــوي ؟؟!!

[عهد الاشواق]

لوووووووول والله موضوعك عجيب :)

يعني اشياء وايد سهله اذا كنت خايف من

الحسد اتسمي بالله وتقرا المعوذات وآيه الكرسي

وان شاءالله مافي شي , بعدين مسكين يمكن بس

جذي يسأل بيتعرف عليك موشرط ايكون حاط عينه :))

هههههههه<<والله ضحكتني

ان شاءالله اكون فدتك :)

[عهد الاشواق]

اي نسيت اقولك شغله يعني اذا سألك لاترد او قوله ماحب اقول درجاتي

ودقره عاد اهو بيحس يعني خووو

[أم علي الملا]

اخي الفاضل الكريم

الله يعينك

وكما قالت اختنا عهد الاشواق عليك بالمعوذات واذكار الصباح والمساء

>>>>>>>>>>>>> هذا اولا



ثانيا>>>>>>>>>>>>>>>>>>>>>>>>

اول ما تشوف الشخص هذا انهل عليه انت بطرح الاسئلة الي هو يسالها

يعني علطول ساله انت وقله ولا تعطيه مجال انه يسالك وقوله كم معدلك وكم خذيت عند هالدكتور وكم ماده ماخذ هالكورس وراح تاخذ كم ماده الكورس الجاي
وكم عدد اخوانك وخواتك ( هذا اذا خلصت اسئلتك كلها الخاصة بالجامعة)
وكم عم وكم عمة وخاله وخال
وجدك وجدتك عايشين ولا الله يرحمهم

تبي تتزوج الحين ولا لأ
واذا لأ ليش واذا اي منو هي وشنو مواصفاتها


اشرايك بالاسئلة؟؟؟؟

يعني المقصد انك تلوع جبده بالاسئلة مثل ما لوع جبدك


او بمعنى آآآآآآآآخر

كن كالمرآآآآآه امامه لكي يرى نفسه

وآسفة اذا طولت عليك

والله المستعان
والله يعينك


بس يا ريت تبلغنا شنو يصير معاك اذا حبيت تجرب هالطريقة

ودمتم بصحة وعافية

[miss_geo]

والله اقتراحاتكم تونس :))

انا اقووول المره اليايه اذا سألك احقر ، واحقر ، واحقر

واذا مصمم الريال، قول له اشعندك تحقق معاي؟؟بترافجني والا تستجوبني؟ (بس على غشمره باسلوبك ) وانت واسلوبك

والله يعيينك عليه، بس مادري ليش احس ان الريال طيب ونيته صافيه من هالاسئله (حاسه سادسه)

[Petro_Geo]

كلام ام علي حلو ......المرة اليايه اذا ياك يسأل انت سوي فيه مثل مايسوي
فيك لان هالنوعية ما تحب احد يسأله و ادقره جم مرة خله يزعل و عقب بيتركك
موفقك............بشرني بالنتيجة :))

[King-Q8]

اللــــــــــــــــه يعطيكم العافية جميــعا
عالأفكــار الحلــــــــــــــــــــــوة ... اعجبتني (:
و على فكرة عهد الأشواق آن مو خايف يحسدني الحمدلله
على طول أقرى الأذكار .........بعدين تقولين مو قصده يحسد !!
آن عارفه عدل و جم واحد من أصحابي يشتكون منه بعد مو بس آن !!
أدري في ناس مو قصدهم يحسدون .. بس اهو عينه تطلع منها شرارة عرفتي !!
(:

بس مشكلتي انه غاثني عرفتي ...

أم علي والله أفكارج عجيييبة ... هههههه .. والله اعجبتني ..خلاص بجرب
انشالله من السبت .. آن أعلمه ..

مس جيو مشكورة عالاقتراح بس ترى احساسج مو صايب لأنه ما يعرف معنى الطيبة .. صارلي معاه فترة ...

بترو جيو .. ثانكس (:
انشالله بدقره بس بعد بغثه بالأسئلة ..
و أبشرج انشالله (:


بس أفكاركم حلوة والله مو هينين .. ( صج ان كيدهن عظيم ........خخخخخخخخخ
قام أتغشمر مو تزعلون ...
خلاص انشالله بغثه بالأسئلة ...و بحقره ... و بدقره ...
و الله يعينني عليه .. أكره هالنوعية من الناس ..


انشالله يايتكم البشاير ........ و يعطيكم العافية :)

[Geo_Q8]

أخوي تبي الصج انا ماعمري خشيت شي على أحد طالما أني اقرأ المعوذات فصدقني ما راح يحوشك منه شي .

ويمكن هالشخص عنده فضول أو لقافه بس انتي تقدر تعالج هالشي اذا كان يهمك أمره .

اذا كنت ما تبي تكون معاه صداقة قوله على لساني يا خي اقلب وجهك :) مابي اقولك

سلام ( خووش رد بس لاتصدق وتقوله )

[daloola_chan]

الصراحه انا رايي عكسكم .. صفو النيه صفو النيه ياجماعه اولا احنا مو ايام الثانويه الي نحاتي نص درجه وبجي ودموع1~o (كنت ام 4 قلوب)

انا برايي مرتاحلك ويبي ياخذ رايك ويستفيد منك take it eezee وعشان مااتفلسف وايد اذا انت شايفه ان بس همه يعرف درجاتك مايفيدك ويستفيد (انا فسرتها يبي يعرف طبيعه المواد والدكاتره لأن تدري دكاتره لو تكتبله اسم مؤلف الكتاب مايعطيك حقك) اذا جذي السالفه اول ماتشوفه ويقولك صباح الخير عطه طرااااااااااااق 1~b

[daloola_chan]

الصراحه انا رايي عكسكم .. صفو النيه صفو النيه ياجماعه اولا احنا مو ايام الثانويه الي نحاتي نص درجه وبجي ودموع1~o (كنت ام 4 قلوب)

انا برايي مرتاحلك ويبي ياخذ رايك ويستفيد منك take it eezee وعشان مااتفلسف وايد اذا انت شايفه ان بس همه يعرف درجاتك مايفيدك ويستفيد (انا فسرتها يبي يعرف طبيعه المواد والدكاتره لأن تدري دكاتره لو تكتبله اسم مؤلف الكتاب مايعطيك حقك) اذا جذي السالفه اول ماتشوفه ويقولك صباح الخير عطه طرااااااااااااق 1~b

[Al-Rfa3i]

بصراحة حاس فيك الله بلانا بجم واحد ايام الجامعه :))

احسن طريقة اتبعتها عامله على جوه وهواه (يعني باختصار على قد عقله :) ) واذا مانفع خلك رسمي زيااااااااده عن اللزوم معاه لما تطق جبده ويمل واذا مانفع معاه بعد استخدم السلاح السري والخطير :)) (التدبس والدقات والغشمره البايخه هههه) وبعدين قطها بويهه وقوله الي بقلبك كله ولا تخش شي:)) وعندي حلول اكثر فعالية اذا مانفعت معاك هالحلول اقولك اياها بعدين :))

[King-Q8]

حلوة منك جيولوجي الكويت .......

عاد أحبها .. هذي ... اقلب وجهك ...

بس اهو مو فضولي ... اهو حسودي و .... و ,,,, وكل شي .. أعرفه عدل ..

تسلـــــــــم على مشاركتك الطيبة ...

[King-Q8]

أشكرج دلولة عالمشاركة ..

بس اهو مابيعرف طبيعة الدكاترة ...
بيعرفنا بطبيعته الشينة ....أصلا 4/3 الكويتيين حسودية !!

و غثيث ...

عموما أشكرج على اهتمامج و مشاركتج الطيبة ...

[King-Q8]

مشكوووووووووور وايد اخوي الرفاعي ...
شكلك أكثر واحد حاس فيني ....
و تبي الصج مليت و آن أعامله معاملة رسمية ...
ما ينفع معاه ...
بس بجرب الأسلحة اللي قلتولي عنها ... وانشالله تفيد

تســـــــــــــــــــــــــــــــــــــــــــــلــ ـــــــــــــــــــــم (:

[سر الود]

يا اخوي الله يعينك وحاولت اقول شي لكن ماشاء الله الاخوان والخوات ماقصروا


تحمله كله باجره :)

[King-Q8]

يزاج الله خير اختي سر الود ..

و مثل ما قلتي كله بأجره ..

تسلمين ..

[عهد الاشواق]

لووووووووووووووووووووووووووووووول يلا ماقلتلنا شصار علي دقرته ولا لأ
بس اقولك شغله اذا سألك عن الإمتحان سو نفسي لم وحده مليقه تسألني اقولها اتصدقين مادري مانتبهت على الدرجه لوووووووووول

[wafrawey]

king-q8
السلام عليكم
يا رب المزيد من الموفقية والنجاح

وعليك ان تتحمل زميلك وحتى لو كان حاسدك

وتكبر سعة بالك


فاخيرا كلنا للقبر وتحاسب على كل كلمة قلتها


وقد تكون نيته صافية معاك


ويعتبر هذا الكلام غيبة والغيبة اشد من الزنى


لا تزعل هذه وجهة نظري
واعلم اخي العزيز اكن لك كل الاحترام والتقدير



واعتذر ان كان كلامي غير صحيح

[daloola_chan]

لووول عيل اتبع الاسلوب الثاني اول ماتشوفه وقالك صباح الخير عطه اطراق1~b
وقوله ( وكمان بتقول صباح الخير)

الصراحه عيل الله يعينك وطنشه ولاتعطيه اهتمام واذا سالك قوله ياخي انت سوالفك بس عن درجاتي والدراسه سولف بشي ثاني

[Geologya]

لا تاخذ وتعطي معاه تجاهله او مثل ماقالت اختنا ام علي قثه مثل مايقثك

والحقران يقطع المصران :))

[King-Q8]

أشكركم جميعا على مشاركاتكم الطيبة ...
و أحب أقول لأخوي وفراوي الله يعطيك العافية بس هذي مو غيبة
لأن أصحابي الأعضاء ما يعرفون راعي المغثة !! و يزاك الله خير (:

و أحب أقولكم الحمدلله بدى صاحبكم يفج عني شوي ...

و لقيت لي مكان جدام يم الربع ... مع اني ماحب أقعد جدام ...بس شسوي !!


و غثيته بالأسئلة عشان يحس ... و تصدقون بدى يحس شوي ...!!

بس لي الحين ما داويته عدل و آسف لأني تأخرت عليكم شسوي
كان عندي امتحانات ...
(( مشكورة عهد الأشواق على اهتمامج :)

و انشالله راح أبلغكم بالمستجدات :)

[geo_dashti]

الله يكون بعونك وانا راي من راي دلوووله صف النيه واحنى كلنا بمركب واحد ولازم في تعاون عشان ما يطبع المركب او نخلي احد ورانه وسالفت الحسد انا مستبعده لانه ماتوصل الامور له الدرجه واكسب اجر فيه وخله قريب منك واذا حبيت اطلع معاه بعد وقعد وياك بدوانيه عشان تزيد الطين بله 1~a

وحبيت انوه على مشاركت دلووول فيها بدليه اشكبرررررررره الي يصيده له هدية مني1~g

[عاشق]

واذا كنت ذا عقل وماراك جاهل فدعه ففي ترك الجواب جواب

هذا اللي اقدر اقوله لك بس خلك ذيب تر يمكن بيوم من الايام تحتاجه يعني سايسه :)

[عهد الاشواق]

جيو دشتي هم انا اتصدق حبيت انوه عن ردك في بدليه شكبرهه مو شكبرها ترى :))

خلنا ساكتين لوووووووووووووول

[tutteacher]

الصراحة بتففق في الرأي مع daloola - chan

يمكن فعلا عاوز يعرف نظام كل دكتور وطريقة تدريسه ونظامه في التقديرات وغيرها . وعاوز كمان يستفيد من خبرتك .

لو ده السبب بس أوكي ممكن تساعده وتطلب الأجر من الله ،أما لو متأكد فعلا انه فضولي وكل همه معرفة اخبار الناس .تحصن منه بالأذكار والمعوذتين ، اما حكاية انك متجاوبش علي أسئتله فالله يعينك عليها لأن هناك كتير اشخاص ممكن تقابلهم بتحاول بكل ذوق توصل لهم انك غير راغب في أنك تتكلم معاهم بس للأسف مايستوعبون .
الله يعينك علي اي حاااااااااااااااااال