عندي لكم سالفة ...

[بنت أبوها]

بصراحة ضايق خلقي .. وصاكة فيني الدنيا .. 1~o فما عندي الا هالمنتدى اللي أفش خلقي فيه .. لأني توني يديدة مسجلة ولا أحد رحب فيني ولا عضو ولا مشرف ولا حتى كلمة هلا ولا حتى مسهلا .. 1~p ما أدري وين المشرفين شكلهم لاهين بالمرأة هل هي أجمل أو الرجل ؟؟ المرأة تحن أكثر أو الرجل .. أخشى أن يأتي عليهم اليوم الذي يسألون فيه المرأة تلد أو الرجل هاهاها... المرأة ترضع أو الرجل .. 1~m
هذا المخلوق الضعيف اللي استطاع أن يقهر الرجال ويصنعهم على مر العصور والأزمان .. ما أدري ليش هالهجوم عليه في هذا المنتدى ..



أممممممممممممممممممممم
ما عندي سالفة .. بس مثل ما قلت لكم بفش خلقي ... 1~n

[DISCOVERY]

بنت ابوها


اهلا بك معنا


وانشاء الله وجدتي غايتك وفشيتي خلقك


حتما ستجدين الجميع سيرحب بك في هذا المكان


وانا اولهم


سعدنا بك وبحضورك


تحياتي

[Perthey]

بنت ابووج مادري ابوها .. ليش متضايقه !!! على قولتج انتي يديده معناته في وايد اشياء ومواضيع طايفتج دشي تقري فيهم واذا مالج خلق تعالي النكت والفرفشه واحنا نوسج هناك افااا عليج

وصراحه اسمحيلنا اذا ما انتبهنا عليج لكن اقووولج اهلا وسهلا فيج وحقج علينا وصدقينا مشاركتج تسعدنا وتنور المكان

شاكرلج صراحتج .. وانا آآسف مره ثانيه :)

[أم علي الملا]

حياج الله معانا بنت ابوها


وبالمنتدى بين اخوانج وخواتج


بارك الله فيج

[سر الود]

حياج الله معانا بنت ابوها واعذرينا كلنا لاهين هالايام بالامتحانات والبرزنتيشنات والله يوفق الكل ان شاء الله
عالعموم انتي منتي غريبة بين اخوانج وخواتج يالغالية :)

[geogirl]

حياج الله يا بنت أبوها ...

ترى المنتدى عباره عن بيت كبير ..فيه أبو طيب (دسكفوري) صدره وسيع .. وعيال طيبيين ( بنات وصبيان) وعلى نياتهم .. وخدومين ... أي شي تطلبين ينفذون ...

بس ديري بالج منهم .. إذا طيحوا الميانه ..الله يعينج عليهم ... (غشمره)

دخلي بيتنا .. اعتبري نفسج وحده من أهله .. ولا تستحين ..طلبي واحنا نفذ ..
حياج الله في بيتنا الكبير المتواضع ... وبين اخوانج الصغار ... نقي المكان اللي يعجبج وقعدي فيه ...تكلمي على كيفج .. وعلقي باللي تبينه .. على مزاجج .. ولا تحسين بحرج ... محد يستحي في بيته وبين خوانه .....

شنو أطلب لج ..جاي ؟؟ قهوه ؟؟

ميري .. يبي جاي وماي بسرعه ..

يا حيــا الله من يــــانــــــا .. ..
نورتي المكان 1~t

[Perthey]

والله انج طيبه يا جيو قيرل ..

وينج ياصاحبة الموضوووع ولا قطيتيها وانحشتي

[بو الإنس]

حياج الله بنت ابوج بين اهلج و جماعتج

و كلنا اهني نفش خلقنا بالمنتدى

بس لا تصدقين مس جيو الشريره

خخخخخخخخخخخخخخ

وصدقي بيرثي اهو امام المنتدى

و انا المؤذن

[Perthey]

هذا الكلام العدل يا بو الانس صراحه كنت مستحي اقولها ويقول كلمه تستحي منها بدها (شكو)
وتر مثل ماقال بوالانس جيو قيرل تتظاهر بالطيبه بس تر اهي شريره احنا عارفينها وتر تكت فاااال ديري بالج منها اهيا وجيولوجيه وسر الود ومس جيو (اكبر شريره) وطبعا ايفل قيرل من اسمها

وخري عنهم وخلج ويانا انا وبوالانس لأن احنا اطهر قلبين واللي دايما نحس بغيرنا من الاعضاء
هذي نصيحتي وانتي كيفج

[حور]

حياك الله ..... فى بيتكم ولايظيق صدرك ابد


حور

[بو الإنس]

و انا اشهد و لو كانوا باقي الاعضاء موجوديم يشهدون

حتى شايفه المسجد الي بزاوية المنتدى هذا انا و بيرثي و اهل الخير قعدنا نبنيه

بس اخترنا امامنا بيرثي لما فيه من طيب الاخلاق و ما يعرف حتى ضغاط و لا حتى مسك على جيولوجيه خو انا على طريف

و كله يهديهم ورود و اهم يسجنونه وانا اطلعه و اقولهم الله يهديكم اخواتي في الله

و اذا تبين تعرفين الحق سئلي الاخت الفاضله الكريمه ام علي الملا و شوفي ردودها الله يبارك فيها

هذا و اقم الصلاة

أأأ أقصد حياج بيننا

[Perthey]

ونت صاج يا بوالانس بس احنا مانسولف جذي لأن من تواضع لله رفعه واحنا نحب التواضع

اهم شي ان سالفتج صراحه وايد حساسه وموضوعج اثر فينا يعني فعلا كلام سليم وصحيح في زمن انعدمت فيه الانسانيه على قصر السيف وانا وبوالانس حضرنا الاعدام .. حتى سألي بوالانس

اللي بقولج اياه ان الحروف الذهبيه اللي استخدمتيها طبعت على قلبي الكثير من الآهات ومسحت منه الكثير ايضا وفعلا على قولة الشاعر الفرزدق

يازارع المشموم فوق السطوحي لاتزرعه ياشيخ عذبت روحي

وسلامتج من كل حرف ذهبي قتلتي به فؤادي

[حمض نووي للحجرالجيري]

انااااااااااا اشهد بعد


ولو باقي الاعضاء موجودي راح يشهدون معاي انا و اخي الاكبر >> بو الانس و بيرثي و من الحين احط رد مستر عبود انه مأيدنه الراي و يشهد :)

[بو الإنس]

الحمدلله ظهر الحق يا اخوناي المسلمين و زهق الباطل

ان الباطل كان زهوقا

اخواني المسلمين ان في هذا اليوم العظيم الذي ظهر فيه الحق و زهق الباطل

و ترى اسرائيل لها دور بذلك

احم شصاير

و انا اايد كلام الفرزدق بكلام حكيم زمانه الشاعر الحكيم العلامه الشيخ البابا جورج عبدالمتجلي لما قال مقولته المشهوره الي تتردد اصداءها في جميع حارات الزلمات و مكتوبه على جميع جدران مدارس الجهراء و الفنطاس

إكسر الإزازه و اشرب بالبزازه

هذا و السلام عليكم و رحمة من الله تعالى عز و جل و بركاته

[Perthey]

يا سلام على الحكم

واحلى شي ان ظهر الحق وزهق الباطل ..

اشكر تعاطف وردوج اصحاب القلوب البيضاء والصافيه

وانا ماني راد على جيو قيرل لأن مثل ما انتي شفتي انها تبيلج الشر واحنا نبيلج الخير .. ويلا بنروح انكمل بنيان المسيد

[بو الإنس]

يا اخي الفاضل بيرثي

يا امام مسجدنا حان موعد الصلاة فنلتخاوا الي مكان الوضوء و نتوضأ للصلاة

ان الصلاة كانت على المؤمنين كتابا موقوتا

و يا اخي الفاضل لا تيل بالصلاة كالمرة الاخيره

اقرأ الكوثر و الاخلاص

و لا داعي للصور الطويله

شكرا لك يا امامنا

دعواتك الفاضله

[miss_geo]

هلا بمن حبا ودبا وركب القليلبه :)
حبيبتي (بنت ابوها) احنا قاصدين ما نرحب فييج، تدرين ليش؟؟!!
لان المكاااان مكانج وانتي الداشه واخوانج بو الانس وبيرثي الطالعين ، ماله داعي نرحب لانج اكييد على طول مرحب فيييج :)
وكل ما ظاق خلقج حيااااج بمنتدى الوناسه والفرفشه واكييييد بتفرفشيين و تقطين همومج بحر
حيااااج عزيزتي

[miss_geo]

نسيت اقولج ديري بالج من الامام بيرثي ترى جبلته عويه :p

[Perthey]

مالج شغل بهالشريره ترى هذي بومتيح امدور الطرايب .. ماعندها شغل غير اسرار وفضايح الناس .. وان شاء الله الله يهديها انا ما ابيلها إلا الخير .. شفتي طريقتها بالكلام .. يبيلها زنطه

[miss_geo]

ما اقول الا : الله يهدي امامنا ويهدي الجميع :))
بذمتكم هذا امام؟؟ لوووووول
انا اقوووول روح جاوب على الاسئله ترى عطلت اشغال الناس

[Perthey]

لوووووووووووووووووووووول .. لا معروف من العوي .. شوفي يا بنت ابوووج

لا يرمى ويقذف إلا الاشخاص الناجحون ..
وإذا كنت ذا عقل وماراك جاهل *** فدعه ففي ترك الجواب جواب

[Perthey]

ما اقول الا : الله يهدي امامنا ويهدي الجميع :))
بذمتكم هذا امام؟؟ لوووووول
انا اقوووول روح جاوب على الاسئله ترى عطلت اشغال الناس

لوووووووووووووووووووول 1~a

حامض على بوزج توصلين مواصيل هالامام اللي تحجين عنه والمؤذن العفيف

ما انتي إلا قطره في محيط .. يا شرياس الفقر لوووووووووول

ابي اذبحها هذي .. ولا اشرايك بو الانس

خوش اسم شرياس الفقر

[بو الإنس]

ما هذا استغفر الله العظيم رب العرش العظيم

هداك الله أختي في الله مس جيو

انه لقذف و نكران و ظلم في حقنا

ياللهول اين ابي لهب و ابي جهل

لا غلط مو هذيل

اين السيف الله و الفاورق

انها لمضله

يا اختي اننا نصلي على قبلة رسول الله و قبلت المسلمين جميعا و وجهتنا الى الكعبه

اما عن قبلتكم المتجه الى جليب الشيوخ او الوفره فتلك مشكلتك

ولا يرمى الا الشجر المثمر يا اخي الامام الداعيه بيرثي

و قد قذف و سب الانبياء و المرسلين

و عذب الصحابه و العظماء

فلا تكترث لحاقد او شرير

[miss_geo]

اممممممم
احترت ماذا اقول .... ردا على كلامكم المعسول
دارت بي الدنيا....وافترت فره ، لا بل فرتين
ولم يسعفني مخيخي الاصغر الا بجملة ( ربّنا على المفترين :( )

[Perthey]

نعم احسنت يا شيخ .. الحق علي لقد ارتكبت خطأ جسيما عندما رددت على هذه العارضه الحديد شرياس الفقر .. آآآنا اسف اللهم إني أسألك الحلم والصبر على بلواك وعلى هذه الانواع من البشر ..

لقد ضاقت بيا الدنيا عندما رددت عليها لقد استفزتني واغضبتني حتى أني كدت أعض على أصابع الندم والكيبورد لأبرد حرتي

نعم هي اتهمتني بالقبله الخطأ وأنا اقول الله يسامحك يا ابنتي ...

اما عن قبلة جليب الشيوخ والوفره فقد سمعت عنها من قبل والعياذ بالله

هداك الله يا ابنتي

[miss_geo]

شكرا على المداخله يا شيخ :) لا فضّ فووووك

[بو الإنس]

لا تحزن يا امام ان الله مع الصابرين

و هيا بنا لنذهب الى العمره لنكفر عما بدر منك من غضب

هيا يا شيخ

و انت يا مس جيو

هداك الله تعالى و جعلك من المطاوعه حالقين الشنب و مطولين اللحيه

كالشيخ الامام بيرثي والذي ينصح دوما بعدم اسبال الثوب

و لكن لقد قلتي يا يماعه ما معنى يا يماعه

[miss_geo]

اختلف الائمه والفلاسفه على لفظ يماعه ويقال باللغه الفردوسيه (جماعه) وباللغه الترفه (يماعه) من فعل( يمع) ، وفاعل ( يامع) والله اعلم

[Perthey]

إن لي رد على يا يماعه وكذلك جيوقراطي .. ولكن اترك السؤال لها !! لأن لاوقت لدي اضيعه .. هيا إلا العمره قبل ان يسحقنا الزمن .. وانتي يا مس جيو عليك بالاجابه

[Perthey]

ونريد جواب على جيوقراطي لو سمحتي ؟؟

[miss_geo]

في الحلقه السابقه بيّنا لفظ (يماعه) ويقال بانه مكروه لكن يجوووز عند الحاجه

في هذه الحلقه سنغووووص في بحر الجيوقراطيه وتفسيرها وشرعيتها والله اعلم ولكن بعد الفاصل والله اعلم

[miss_geo]

بسم لله الرحمن الرحيم
والله اعلم ، الجيوقراطيه مشتقه من جيو وهو نك نيمي والله اعلم ، وقراطيه وهي في المعجم الهاشمي بمعنى (تراجي) والله اعلم
وعن شرعية استخدامها لفظيا فهي مستحبه قبل النوم وبعد النوم وخلال النوم والله اعلم

[Perthey]

اهاا جزاك الله خير على هذه الجوبه ولكن ماسبب استخدامها .. هل خلصت الكلامات عندك ؟؟

استطيع ان اسلفكي بعض الكلمات اذا كنت ترغبين

[miss_geo]

ياحبذا لو تسلفني ، على ان اردهم لك اذا تيسرت اموري (بالمشمش)

[Perthey]

والله حبذا .. لماذا ليس حبذا .. وحتى لو كان بالمشمش لكن انا سولف اسلفك بعضا منها

استخدمي قاتل الاسد
استخدمي خو انا على طريف خو
العلج البصري
سوف ان شاء الله يفيدونك

[miss_geo]

اوووووكي يا قاتل الاسد بسك ظغااط فيني خو انا على طريف خو لا تصير مثل العلج البصري
عس ركبتهم في جمله مفيده؟ :p

[Perthey]

لا ماعاش اللي يضغطج .. بس اليماعه تأخروا انا شسوي

بعدين الكلمات والجمل هذول يا جيو مس لوووول مو إلا مع بعض يعني استخدميهم مع كلام ثاني

يا حبذا لو تفهمينني من اول مره

[miss_geo]

لا حرام اخذ جمله واخلي جمله، احب ألم الشمل :)

[Perthey]

اهم شي لم الشمل عندج واهم شي شمل اليماعه .. ولا اشرايج
يامعوده يالطيبه يالخطروفه .. اشدعوه يبا مو عاجبينج اليماعه كاااااااااااااااااك

هلوا واحنا نهل يا محلى لم الشمل

[miss_geo]

بيرثي دايخ صح؟؟ بديت تقط خيط وبكره :p

[بنت أبوها]

لحظة .. لحظة ... لحححححظظظظظظظظظظظظظظظظظظظظظظظة ...

شوي شوي ... يواااااااش wait ...

ترى افتر راسي وما أدري منو الامام .. ومنو المأموم ...1~h

صرت بينكم مثل الياهل المصدوم .. دخل على أمه ولقاها من غير هدوم 1~k

شنو هذا ؟؟؟

ترحيب ولا ترهيب ..

ضاعت أفكاري .. وشفت الحمامة ..شنها ذيب ..

صج .. موووووو صج ..

بصراااااااااااااااااااااااحة خفت .. 1~i

وطاح قلبي بكرشتي ..

والشيب زاد بكشتي ..

و شكلي فيكم ببدي قصتي ....

مشكوووووووووووووووووووووووووووووووووووووووووورين
وأدري ان البيت بيتي بس توني بسكنه وينانوته واااااااايد شكلي يا طاردتهم يا طارديتي ..

بسم الله الذي لا يضر مع اسمه شيء في الأرض ولا في السماء وهو السميع العليم ..

[Perthey]

والله البكره فاله من ايدي وماعرف المها .. اشرايج اتساعديني يا قولمه لووووووووووووووووووووووووووووووووووووووووووووووووو ووووووووووووووووول

هذي الضحكه عن كل الضحكات

لا والله انتي على راسي من فوق

[Mr.abooooood]

ولكموووووووووووووووووووووووو

[بنت أبوها]

على فكرة يا بيرثي مو شنك رقلة شوي ...

اثقل ترى الريال حلاته ثقيل

ومشكور يا عبوووود تعبت أصابعك ما كان له داعي

[بو الإنس]

شنك بيرثي رقله

شنه نكك بيرثي

شنها ما عندها سالفه

شنه ترحيبنا ما عجبها

بنات المنتدى شنهم كلهم بدليات

[بنت أبوها]

مو شنه رياييل المنتدى كلهم فاصلييييين 1~n

[Perthey]

شني رقله .. شنييييييي !!!!

الله يعين شنتج .. ما اقوول إلا الله يعينج على شنتج

انزين يا ام الثقل علميني شلون الثقل اذا انا ماني ثقيل ورقله على قولتج

بو الانس شنه ترحيبنا ماعجبها وتقول عني شني رقله !! لوووووووووووووول

عيب شنو شني رقله !!! والله اذا انتي عندج شني اقول كيفج شني ! يلا شني شنو نسوي بعد