الطيبه ..ميزه ام عيب ؟

[بو الإنس]

السلام عليكم و رحمة الله و بركاته ...

اسمع قديما حينما يتقدم رجل للزواج ..
يقولون عنه هذا رجل طيب ..
وحبوب ...
فيسعد اهل العروس به و يزوجوه ...

لكن في زماننا الحاضر اختلفت معايير كثيرة ..فمثلا قد تسمع لرجل يريد الزواج عيبه انه طيب وعلى نياته ....(اي على سجيته ) وهذا يعتبر عيب فيه ...


أتساءل هل الطيبة تعتبر عيب ...ام ميزة ؟؟؟؟
بمعنى لو كان الشخص منحرف وسيء ممكن الناس يحبوه ويكرهون الشخص الطيب ؟؟؟؟
و ماذا تعني عندك الطيبة هل تعدها ميزة او عيب ؟؟؟؟


اخوكم
بو الإنس

[خريف العمر]

بصراحة الطيبة في مثل زماننا غير مطلوبة في جميع الاوقات والحالات

الناس صارت لي شافت الطيب تاكله بقشوره وماتخلي عليه

على بو انه طيب مسكين هو اللي يقوم بكل شي ويسوي كل شي وهم شايلين ايدهم ومرتاحين

احيانا تنجبر تكون ذيب حتى لاتاكلك الناس ويحطون لك شوية اعتبار

لكن بالزواج الطيبة بصراحة ضرورية لانها هي اللي تآلف القلوب وتكسر الحواجز اللي بين الزوجين .

لكن بالدوامات وبحدود تعامل الناس معانا الطيبة لازم تكون بحذر كبير ويكون الانسان واعي ويعرف متى يتصرف بطيبته ويظهرها ومتى لا للطيبة

شكرا لك بو الانس وهذا مجرد راي يمكن اكون مخطئة فيه

[سر الود]

الطيبة ميزة وصفة يتحلى بها اسمى الناس
لكن لكل شي حد يعني ماتكون طيوب وايد لي درجة ان الناس مايهابونك ويستغلون طيبتك لاغراضهم ومصالحهم الشخصية فلازم تعرف منو اللي يستاهل طيبتك ومنو اللي مايستاهلها, والناس بهالزمن يسمون الطيب غبي لان بسرعة ينقص عليه
نصيحة:كن طيب لكن بحد

[estghfr__alla]

الطيييييييييب

ايييييييييييي

والطيبييييييييييييين

والله بهالزمن منداسين

لكن أجرهم على الله

موضوع شائك بصراحه بالنسبه لي

بالنسبه لي اعتبر الطيبه ميزه بزمن الذئاب

واحترم الانسان الطيب

مهما تصنع عكس سجيته

ما راح تلاقي بقلبه غير الطيب

والانسان الطيب

احترمه واتزوجه وازوجه

للأسف الناس تستغله

واهو يعرف هالشي

بس ما يقدر يتغير

ولا راح يغير من قيمه ومبادئه عشانهم

لأن هدفه الأسمى هو رضا ربه



تدري وايد ناس تحسد الطيب على طيبته

ويعرف الطيب بهالشئ بس ما يقدر يقابل اساءته الا بالاحسان


والانسان المنحرف السئ في ناس تحبه

لكن بالنسبه لي ما احبهم

[Perthey]

أنا أأيد اخواني واقول ان كل شي بحدود يعني الشخص يكون طيب شي وايد زين بس مو معناته غبي وسفيه وصراحه المرأه ماتحب الريال اللي على نياته زياده عن اللزوم لأنها شريره وراح ماتحبه وتتسلط عليه وهذا شي واقعي :)
مشكوور بو الانس

[حلم]

الطيبة ..
كانت من أجمل الخصال و أروعها برأيها ..
إلا أنها تلاشت مع الأيام .. و ما بقي منها إلا ما ندر ..
و صار الناس يعتبرونها صفة سلبية لأشد الأسف و هي من أروعها و أفضلها ..

برأيي أنها أروع الصفات و أتمنى لو يعود عهدها ..

[Don_Geo]

في اعتقادي أن لكل شيء حدود ، فلذلك الطيبة لها حدود أيضاً ...

لأنها اذا زادت عن حدها المطلوب تتحول الى سذاجة وضعف شخصية

[wafrawey]

((ان الانسان الذي لا يعرف الا الطيبة كالغبي الذي يزداد غباءا مع مرور الزمن))
؟؟؟؟؟؟؟؟؟؟؟؟؟؟؟؟؟؟؟؟؟

[أم عبدالرحمن]

الطيب فى زمنا هذا يستغل الى اقصى حد

حتى من اقرب الناس

فكن ذيب ومفتح عينك وصاحى

وهذا الاكتشاف اكتشفته بعد فوات الأوان

[عهد الاشواق]

بصراحه انا عن نفسي احب الانسان الطيب بس مو الانسان الي على نياته لانه يكسر الخاطر الناس ماتصدق تلقى واحد على نياته وتستغله فانا مع الطيبه بصراحه لان نادر مالنلقاها بس طبعا مو اوفر وايد وايكون على نياته...

[Geo_Q8]

مشاركاتكم في غاية الروعه أحبتي لكن من هو الطيب في زماننا هذا ؟

اتصدقون ان الطيب هو الخبل في هالأيام ؟!!
نعم أحبتي , والله الطيب الناس يسمونه في يومنا هذا الخبل .. فنصيحتي لكم لحد يصير طيب :)

تبون الصج الطيبه انعدمت في زماننا هذا وماكو أحد يكون طيب الا وكلوه الذيابه
فان لم تكن ذئبا أكلتك الذيابه

تحياتي

[بو الإنس]

مروركم و مشاركتم والله اسعدتني

اراء قمه في الروعه قمه في الحكمه و الخبره

ماشالله عليكم

كفيتوا و وفيتوا


دمتم بود

[أم عبدالعزيز]

الطيبة أسمى صفة ممكن تكون في الإنسان

وبصراحة مهما كانت تجلب من متاعب أو سخرية

من بعض الناس لكن مافي مثل الطيب

وماينفع الشخص إلا طيبته مع الناس مهما كانوا

هؤلاء الناس

يمكن الناس يسمون الطيبة هبل أو سذاجة لكنها

هي من يذكرونك الناس بها دائماً ولن تغيب عنهم بها

ماكو مثل الطيب والطيبين في الدنيا

ويعطيك العافية يالطيب بو الإنس


.

[tutteacher]

الطيبة صفة حلوة ولا احد ينكر ده بس لو زادت عن حدها
ممكن تزعج صاحبها خاصة هالأيام لأن الطيب فيها دايما ضايع
حقة والكل بيحاول يستغلة ،، أما الطيبة في الزواج وبين الزوجين
فهذا أمر طبيعي لتعميق طيب المشاعر بينهما

[فوفوتي]

مثل ما تفضل معظ الاخوان والخوات
الطيبة من اجمل الصفات في الانسان
لكن للأسف في هذا الزمن ما اتفيد
الانسان الطيب يعني مسكين وعلى نياته
ودايما مظلوم و ضايعة كل حقوقة
واذا ما كنت في الزمن حذر و صاحي و في بعض المواقف للأسف ( ذيب أو نسرة )
ما اتعيش مرتاح
وللأسف في ها الزمن الطيب ينداس على راسة
بس العيب مو في الانسان الطيب ، العيب في البشر