تذكرون كمبيوتر صخر؟؟؟؟؟؟

[الوايليه]

ابتكلم اليوم عن أيام الطفولة هذه المرحلة الجميلة التي تتجلى بها البراءة ( الي يسمع ها الكلام يقول وش ها المثقفه)[/]اخش بالموضوع على طول ... واحب من الجميع ان يشاركني في موضوعي

لشفت اطفال هاليومين تفنقع مرارتي مدلعين الي يبيه على طول يجيه

تلقا له غرفه وسرير وتلفزيون وسوني وكمبيوتر وتلقى غرفته متروسه من ها العاب شي انعرفه وشي اول مرة انشوفه وجهاز جوال اخر موديل..

والي قاهرني تلقا عنده بسه (قطة) الله يذكر ايام زمان البس ما يتجرى يمر بالشارع الي وراء بيتنا

المهم وتلقى على سريره دب ابيض كبر بيتهم..... يعني بالعربي بزران هاالحين مبسوطين ؟؟؟؟؟؟؟؟

هذا الاولاد اما البنات هاليومين مدلعات اخر دلع ( مساكين يا بنات زمان) مافيه دلع . مافيه الا ها المطبخ

تقوم وتنام فيه لكن هالحين ماتعرف المطبخ هالشغالات ترسات البيوت......... (هههههههههههه)

لكن تعال لطفولتنا غرفه انت واخوانك اخوانك 6 اشخاص والغرفة 6×4 يعني يالله تلقا مكان والي يجي متأخر باليل ينام بالمجلس:d

وكلكم يالسته بدولاب واحد...

وبعدين مافيه دلع مثل الحين العاب ماكنا انشوفهن الا اذا رحنا لسوق انشوفهن معلاقات بالمحلات

ولجيت للبيت اتقص لخوانك انك شفت العبه معلقه بالمحل

وبعدين لبس الرياضة ايامنا غير الحين اجيك الالوان مختلفة وغير متناسقة يعني الي يشوفك تقل قوس قزح 15 لون

وبعدين كنا مانعرف الكمبيوتر والسوني مانعرف الا كمبيوتر صخر وكمبيوتر العائلة (والله القديم)

المهم لاطول عليكم بس نتفق على ان اطفال اول ماهو مثل اطفال هاليومين

وش رايكم هل كلامي صحيح ومن عنده اضافات فلا يبخل علينا( قايلة لكم مثقفه)[/color][/color][/color]

[Geo_Q8]

صراحه كلامك يضحك والبراءة فعلا في سرد هالموضوع هو اللي اعطى للموضوع حلاوته ... لكن اختي الفاضلة عندي تعقيب بسيط على سالفه الجهال ايام زمان والحين فانا شخص ياعشت طفولتي في فيلا فيها من الخدم والشحم اقصد الحشم مالاعين رأت ولا خطر على بال مخلوق فلم اقم بأي شي فيه من شي من المشمقه بل العكس ( اي هين )

فنصيحتي لك مراجعة طبيب نفسي حتي لا تتأر بقية حياتك كما هو عليه الان :)

[Nawaf]

الوايلية

بزران هاليومين يبيلهم طق :)

[Dr Geo]

يا رجل أشك أنك ساكن في خانات حمام فوق سطح بيتكم بطريقة مو طبيعة ؟؟ لكن أنا بالفعل أنولدت في حلجي قفشة ذهب ما مرت علي هالسوالف كلها

[مساعد العنزي]

هههههههههههههههههه
والله الموضوع عجيب
الله يذكر ايام زمان
الواحد الحين اول ما يوصل عمره سنه يسوله عيد ميلاد وحركات وهدايا من قده


اييييييه الله يرحمك يالوالد اللي بعيد ميلادي لا هدايا ولا هم يحزنزن....... لا وطايح فيني طق

:) :) :)

اخوكم/ مساعد العنزي

[]دمعـه]

انا أتفق إنه جيل هالوقت يختلف عن أجيالنا بس مو إبطبيعة المعيشه لأنه كل زمان وله إمكانياته بس هالجيل صج يفتقد للبراءه والطفوله مايعيش عمره ويتمتع إبكل سنه من إسنين حياته بس راح يتحسف على طفولته إضايعه

[نائب المستشار]

هههههههه لوووول


حلوه

[الوايليه]

شاكره مروركم جميعا.............بالنهايه كلنا متفقين ان عيال هالوقت غير............ باستثناء مشرفنا و Dr Geo
نخليهم مع الفلل وملاعق الذهب ........ترقبو مني المزيد من قصص بزارين هالوقت.....

[سعوديه والاجر على الله]

الصراحه راحه والله بزارينا الحين مدلعيين واجد والي انقهر منه انهم تعودو كل شي يبغونه يلقونه قدامهم والادها والامر انهم تعودو على الرباده والكسل وطولة اللسان ولا الحين طايحين كل ما ينزل نوع جديد من القيم بوي يبغونه
والله من جد يبغي لهم طق خخخ

[عهد الاشواق]

اي فعلا جيلنا غير عن جيلكم ويمكن انكون مدلعين بس نقدر نتحمل المسئولية وبعدين اشدعوة يبا طابين فينا اشوي اشوي مو تقولون احنا" مدلعين "يعني مانقدر جذي مرة وحده:)

[نجلاء بس موفتحي]

لحظه لحظه خل أبجي أول :((((( تأثرت بالموضوع واااايد لأني تذكرت طفولتي وتذكرت المشط الرعب مال قبل اللي أول ما أشووفه بيد امي ..!! الا عينك ماتشوف الا النور لان المشط قاعد يسلم عالفرق اجباري حنا البنات الفقاره اللي كلناها لازم عجايف او عنقوصين.. :(والفرق مسمووووووت ينافس خط الشاليهات والضريبه لي الحين ندفعها بان مايوخر الفرق أقوى جل ولا سبري :(((( تقول حافرينه حفار والحين يهال وتشوف الميش الوااااااان :(
وحتى العابنا خلف الله علينا ياأما حيله واخرشي اخوي حاذفنا فيها واتصك هوشه ولا برّوي وعند كل طلعه امنا اتطلعنياها نلعب يعني صديقات طالعين واذا صار اللعب متطور نلعب خشيشه مع الصبيان لوووووووووول :)))
وقتها كمبيوتر صخر والأتاري ولا اليدّه مالته السوده اذا اندمجنا باللعب غرغت ايدنا الحمدلله والشكر وطبعا ناهيك عن اليمعه العوده حق جريندايزر وكل واحد يسبق الثاني يختار شخصيه معينه ويقول هذا انا وانا كنت هيكاروو واكثر واحد حاقدين عليه نعطيه دور دامبي :)))
وقمت التمرد بالظهاري نطلع من غير مايحسون فينا ونروح أقرب براحه نلعب كرة قدم مع عيال فريجنا وانا يعني كنت طالعه فيها هدافه بس هدافه بعجايف ولما شافوني فلته رقوني سموني جاسم يعقوب :( فشششششله
هذي الطفوله ولا بلااااااااااااش بدت بهيكارو وانتهت بجاسم يعقوب عنده عجايف :)))

[Ahmed Al-Khaledi]

والله الصراحه موضوعكم حلو
بس انا اقول






















اقول


































اقول




































اقول





























اقول









































اقول


































اقول







































اقول


































اقول















































1~o 1~o 1~o 1~o 1~o 1~o 1~o 1~o 1~o 1~o 1~o 1~o 1~o 1~o 1~o

حرام عليكم
ليش تذكروني بالذي مضى
الله يسامحكم

[نجلاء بس موفتحي]

الخالدي شنو الذي مضى اللي خلاّك ماخذ مساحة 3كيلوات عشان تقول؟؟؟ :(

[DISCOVERY]

ههههههه


الله يقطع شيطانج نجلاء بس مو فتحي


ههههههه


الا فرق الشاليهات طبعا لازم بريل كريم احمر


عشان الشعر يلق


على طاري البنات


الي يلعبون كرة


زمان كانت اخت واحد من الربع تلعب معانا كرة كل يوم


وكانت ولا فتحي كميل تقفط تقفط


ههههههه



المهم قبل جم سنة كنت ماره البيت وطلعت وحدة من البيت مع عيالها وانا ناطره بره


المهم ركبت وقاعدة تركب عيالها واغراضها


رفيجي ركب السيارة وحركنا جان اقوله هذي اختك فلانة الي كانت تقفط بالكرة


ههههههه


مات من الضحك ودق عليها بقولها رفيجي يسأل انتي الي كنتي مسيطرة على الملعب بالزمانات وتقفطين

ههههههههه


طبعا ماتت من الفشلة


خخخخخخخخخخ

[نجلاء بس موفتحي]

مو انا سلمك الله لي اليوم مامر صوب الفريج اللي كنت هدّافه فيه اخاف أشوف أحد ويتذكرني مشكله الشباب حق الضحك :((
وقتها بموت من الضحك موبس من الفشله لاني لوبس هدافه تنبلع بس المشكله هدافه بعجايف :))
ويقولولي خلاص ماكوا الحين براحه انبنى المكان وانا مامر لوووووشيصير :( مابي أتذكر بطولاتي :))

[أم عبدالعزيز]

والله سوالفكم حلوة

بس حسافة شوي ردود وسوالف

كان ودي أسهر على هالسوالف الحلوة

المهم بقولكم سالفة على طاري أيام قبل

أخوي الكبير كان هاوي سيارات ومادري ليش عيال ذاك الوقت

كلهم عندهم هالهواية ومحترفين بسرقة سيارات أهلهم

المهم ,, أبوي كان وقتها موظف بشركة النفط ودوامه للعصر ويجي

من الدوام تعبان ويقيل له شوي ,, أخوي هذا المملوح يقوم ياخذ سيارة

أبوي اللي مطلع له نسخه من مفتاح السيارة >>>> تقول سيارته

ويقول حق اخواني وخواتي أبوي قال لي أطلعكم أمشيكم

ويوديهم سباق الخيول كان وقتها دائماً في سباق خيول بالأحمدي

أبوي قام مالقى سيارته وكان يعرف المكان اللي يعشقه أخوي وتوقع انه

هناك وراح له مشي المسكين بس كان المكان قريب شوي من بيتنا

وصاده هناك ولاتسألون وش صار بس اللي أسمعه من اخواني لليوم ان

أخوي هذا وصل البيت فناقر من أبوي وجسمه مخطط أحمر وأزرق من

الواير وكان وقتها مافي تلفزيون ملون وكانت هذه الألوان الوحيده اللي

شافوها اخواني وخواتي خخخخخخخ

وكما تدين تدان أخوي الأصغر من الكبير قام يسوي هالحركات بأخوي الكبير

وصاب على مفاتيح سيارته وكل ظهرية يقز الشوارع قز فيها

وشكلي طولت عليكم بالسوالف بس الألعاب هذه كانت منتشرة

عند العيال ,,, وهي السيارت بس مو سوني سيارات صجية


.

[DISCOVERY]

ههههههههه


ام عبدالعزيز


شكله انغسل غسيل على البخار اخوج

:))